المؤتمرالعالمى للتعريف بالإسلام (حلمى وحلمك )

المؤتمرالعالمى للتعريف بالإسلام (حلمى وحلمك )

--------------------------------------------------------------------------------

السلام عليكم ورحمة الله
يا جماعة مين فينا زمان وهو صغير لما كان بيشوف حد مش مسلم ويعجب بيه ويحبه فيقوم يدعيله ببراءة إن ربنا يخليه مسلم علشان ما يدخلش النار مين فينا عنده اصحاب طيبين أوى وناس بيقابلهم وناس بيشوفهم فى التيلفزيون ويلاقى جواهم الخير بس ناقص يترجم صح ويكون فعلا فى سبيل الله .
وأنا صغيرة كنت بشوف الممثلين الأجانب فى الأفلام وكنت بحبهم أوى بس ماما كانت بتقولى دول كفرة وإحنا مش لازم نحبهم وكنت دايما أقولها ربنا يهديهم ،أنا مش بحب أدعى على حد نهائيا وشايفه أنه لما تدعى على حد مش هاتكسب حاجة بس لما تدعيله ويبقى إنسان صالح هاتكسب كتير( لما أكسب فرد واحد مسلم بجد ممكن يغير العالم ) والأمثلة قدامك كتير فرد واحد بس على مر العصور كان هو السبب فى تغيير وجه العالم سواء بإعلانه حرب أو بنشر سلام فرد واحد ممكن يصحى أمة والإسلام مش ملك للعرب بس زى ما معظم الناس للأسف فاكرة حلمى أن كل الناس تبقى مسلمة وإن كان ده مش ممكن يحصل لأن العالم لازم يبقى فيه شر وخير وإحنا عارفين كدة كويس بس أنا نفسى نفتح مجال الدعوة وننشره بأقصى إتساع ممكن فى العالم علشان نعرف الناس كلهم على دينا على دين الحق فكرت ولقيت إن الناس بتلتف حول الرموز دايما والرسول دعا ربنا أنه يعز الإسلام بأحد العمرين وكانوا فى عصرهم رموز كبيرة قوم ومال ونفوذ وغير كدة من أكبر الناس المؤيدة لعبادة الأصنام وإسلام أى حد فيهم هايكون ليه تأثير كبير فى الناس وهيخليهم يفكروا إزاى الناس اللى بتأيد وتدافع عن فكرتها وبتحارب النبى علشان ما ينشرش دعوته هما نفسهم اللى بيأيدوه دلوقتى ،هزة كبير حصلت فى فكر الناس وفضولهم هايخليهم يدوروا على الحقيقة .
الفكرة دى خلتنى أفكر إحنا ليه ما نطبقهاش دلوقتى فكرتى بكل بساطة مؤتمر عالمى للتعريف بالدين الإسلامى بيدعوا كل رموز الفن والسياسة والرياضه يقام كل عام فى دولة أجنبية ليها تأثير كبير وتكون منطقة جذب لأنظار الناس فى أميركا مرة وفى أوروبا مرة تانية ومرة فى دول آسيا ومرة فى أمريكا الجنوبية وهكذا الناس بره بيعشقوا النجوم فى كل المجالات عندهم هوس بيهم مجرد معرفتهم بأن واحد من نجومهم أسلم أو حتى مهتم بفكرة هتلاقى ملايين بيبحثوا عن الإسلام ودى تبقى وظيفتنا إحنا بقى نعرفه الصح وننتشر فى جميع أنحاء العالم نعمل مواقع إسلامية بجميع اللغات وننشر تحذيرات من المواقع اللى بتعمل نفسها مواقع إسلامية فى حين أنها مواقع لتشويه صورة الإسلام وبتحتوى على نسخ غير صحيحة من القرآن الكريم ،
أنا مش بقول إنه أكيد يعنى لما نعرفهم على الإسلام هايبقوا مسلمين بس على الأقل نعمل الواجب من ناحيتنا لخدمة دينا ولتصحيح الفكرة .
ده كان حلم عندى وأنا صغيرة وحلمى دلوقتى وأنا كبيرة يارب ساعدنى علشان أحققه أنا خطيت أول خطوة ياربى ساعدنى أكمل مشوارى .

مشكوووووووووووووور