سؤال مهم كتير لى

بسم الله الرحمن الرحيم
اولا السلام عليكم جميعا
ثانيا انا لسة مش فى كلية طب بيطرى انا لسة هقدم او هحول لو صح التعبير
بس عندى سؤال هو يمكن غريب لانى موجودة اصلا هنا بس محتاجة الرد
انا مجموعى 95% وقدامى بيطرى وغيرة بس عاوزة اعرف هل الكلية بشكل عام ليها مستقبل ؟
كويسة للبنات من الاخر؟
انا متحيرة جدا وخايفة موت اخشها بس هى اللى قدامى عاوزة اعرف مجالات العمل بعد كدة
وياريت تقولولى كلام يشجعنى كدة
بس ياريت الرد بسرعة لان التحويل السبت الجاى ومتكشرة اوى

مدير المنتدى عدد المساهمات : 259

اولا : اهلا بحضرتك معنا فى المنتدى

ثانيا : الف مبرووك على النجاح وعلى المجموع

ثالثا : جارى تجميع الاجابة عن اسئلتك

الاجابة تكون من اشخاص فى نفس القسم منهم من تخرج ومنهم من لا

يزال يدرس فى فرق وجامعات مختلفة

يمكنك التحدث اليهم مباشرة اذا اردت وذلك عن طريق الايميل

انتظرى الاجابة

مدير المنتدى عدد المساهمات : 259

بسم الله الرحمن الرحيم

على لسان الدكتورة بسمة (طبيبة بيطرية)

الطب البيطرى يعتبر اهم مهنة الان على الرغم انه يخجل ان يقول انه طبيب حيوانات ولكنه اهم من الطب البشرى لانه طب وقائى

الطب البيطرى يعنى
الاهتمام بكل ما يخص الحيوان من عاداته وطرق التعامل والتحكم نوع الاكل وكيف يصنع دراسة الاجزاء المختلفة للجسم والامراض التى تصيبها وعلاجها والجراحة ايضا
دراسة الامراض المشتركة مع الانسان والامراض التى تنقل الى الانسان
ابالاضافة الى دراسة الاسماك وانواعها والطيور والحشرات

يدخل اغلب من فى الطب البيطرى الكلية لان المجموع ادخلهم ولذلك نادر من تجد من يحب هذه المهنة او يرضى بها ولذلك يهرب معظمهم وراء مندوب ادوية لبيع الادوية ويبقى القليل الذى يعمل فى هذه المهنة فهل من يبقى كافى
لا ان الطب البيطرى فى حاجة الى التطور لان كل ما ياكله الانسان يقع تحت مسؤلية الطب البيطرى فكيف يقع تحت مسؤلية من اجبر على دخول هذه المهنة
للاسف العملى فى الكلية رغم انه عليه درجات الا انه فى الغالب لا ينفذ ويخرج الاطباء وهم لا يعلمون الجس والجس هو معرفة عمر الجنين فى رحم الحيوان
فنحن فى هذه المهنة لا نستخدم السونار ولكن عن طريق اليد نعرف ما عمر الجنين

على لسان الدكتور مصطفى حمدى (اخر سنة )

دخلت الكليه في البداية بالتنسيق واعتقدت أنني سوف أصبح حيوانا بعد فتره ولكن ماأن دخلت الكليه حتى تأكدت أننا مهمين جدا في الحياه وعندما رأيت المواد وأنها أصعب من الطب البشري حتى حتى عرفت أننا كليه لها قدرها ولكن لنكن واقعيين لا أرى أبدا دكتور بيطري عاطل حتى لو عمل خارج مجاله وهذا يدل على كثرة وظائف الطب البيطري

على لسان الدكتورة مها ( طبيية بيطرية الاسكندرية)

السبب ان حوالى 50% من خريجى طب بيطرى ما بيشتغلوش فى مجالهم اولا ان الشغل العملى فى الكلية مش كفاية فى حاجات كتير اوى بناخدها نظرى بس برغم انها بتكون غاية فى الاهمية زى prgnancy diagnosis مثلا و بالتالى عشان الطالب يشتغل لازم تدريب كتير و ممارسة بعد الدراسة فى حين ان العمل فى شركات الادوية لا يحتاج هذا التدريب
ثانيا نظرة المجتمع للطبيب البيطرى انة دايما دون مستوى الطبيب البشرى و للاسف فى ناس بتقارنة بالحلاق.............
وبالتالى بيحاول يهرب من لقب طبيب بيطرى ورا اى مسمى تانى
يا رييت بجد نعمل حاجة لمهنتنا اللى محدش عارف عنها حاجة ولا عننا غيير بس اننا دكاترة حميير زى ما بيسمونا

مدير المنتدى عدد المساهمات : 259

ترد الدكتورة بسمة على الدكتورة مها

التى تشبهنا للحلاقيين فانتى يا سيدتى لم تجربى العمل فى الطب البيطرى خاصة الحكومة فى الارياف فهناك العامل الذى فى الوحدة يعرف كل انواع الادوية وطبعا يعرف يعطى فى الوريد وكل هذا وايضا فى الجس والعجل لو كان ملفوف اعنق الرحم وطبعا كيف يحلها ولو اخذتيها فى الكلية
وهى عبارة عن انكى تلفى عكس لف الموجود وبالتالى لابد ان تنزل الحيوان على الارض وتضعى يدك ويلفها المساعدين الحيوان وترى اذا فك وهذه تحتاج الى خبرة وتقبل وضع ان تكونى ممدة جنب الحيوان على الارض
ولقد شاهدت هذه العملية فى الوحدة عندى وقام بها عامل
ولذلك اريد ان انقل للاطباء البيطرين كل الخبرات العملية حتى لا يتكرر معهم هذا
لان فى الكلية كما قلتى لا ناخذ العملى بجدية

على لسان دكتورة منى على (طبيبة بيطرية خريجة جامعة القاهرة دفعة 2004 )
انا طبيبة بيطرية خريجة جامعة القاهرة دفعة 2004 واعمل فى جهة رقابية على صناعة الدواجن فى مصر

مدير المنتدى عدد المساهمات : 259

وانا احب اقدم لكى نصيحة اخوية

انك تصلى ركعتين استخارة وان شاء الله ربنا ييسر لكى الامور

وتوكلى على الله

اتمنى لكى التوفيق فى حياتك الدراسية

ارجو المشاركة منكى فى المنتدى للافادة والاستفادة

انتظرى مواضيع اكثر فائدة تخص الطب البيطرى اذا استقر رأيك عليه

والسلام ختام

مدير المنتدى عدد المساهمات : 259

نسيت اقول انى انا اصلا اعتبر من قرية

بها طبيب بيطرى واحد ولكن اهالى القرية تقضل الذهاب لدكتورة

بالقرية المجاورة لنا عن الذهاب لدكتور القرية

وذلك لان هذه الدكتورة تحظى بخبرة وسمعة كبيرةوالاهالى يتفاءلون بها

وهذا من فضل الله على هذه الطبيبة لانها تراعى الله فى عملها

زيادة على انها ترتدى النقاب ومتمسكة بتعاليم ديننا الاسلامى

وده ممكن يكون رد على سؤالك (بس عاوزة اعرف هل الكلية بشكل عام ليها مستقبل ؟
كويسة للبنات من الاخر؟
)

ميرسى ليكم يا جماعة اوى عالاهتمام وان شاء الله ربنا يوفقنا ويعمل اللى فية الخير لينا كلنا ومتشكرة تانى علاهتمام